kontakt med, fortel at prosessen med farging og garving av fiskeskinn er den same som med anna dyrehud. Kvalitet og
styrke blir og den same sett i forhold til tjukkelse og garveteknikk. Skinna eg arbeider med er garva ved ulike garveri rund om
i verden. Overflatestruktur og glans varierer veldig frå dei ulike garveria. Det viser att mange ulike teknikkar er tatt i bruk.
Historisk sett er garving av fiskeskinn eit gammalt handtverk. Kunnskapen om garving og bruk av fiskeskinn blei etterkvar meir
eller mindre vekke då industrien overtok faget. Fiskeskinn er små, og derfor ikkje lønnsame i produsjon.
I bilda mine brukar eg dei varianter av garva fiskeskinn eg kan få tak i. For det meste er det laks, torsk, steinbit og abbor.
Lange og karpe har eg og fått tak i nokre eksemplar av.
Tekstilane eg nyttar er av alle variantar. Det eg ser etter er at stoffet må passe til dei skinna eg har valt, eller det motiv eg prøver
å jobbe fram i bildet. Valet fell ofte på thaisilke då eg synest dette stoffet har ein spesiell glans som er med på å lage liv i bilda.
Fløyel, organza, og ulike metalliske glansstoff bruker eg og mykje av. Kombinasjon av ulike materialer er spennande!
Tråden eg brukar til montering av motiv, er stort sett metalltråd.
Rammer
Rammeriet "Galleri Sør" Hafstadvegen 33 FØRDE Heidi Nyhammer. Innehaver av galleriet og rammeverkstaden.
Eg nytta mykje standard ramme til
bilda mine. Etterkvart har eg sett kor vanskeleg men viktig dette med
rett innramming er for å få
presantert bilda på rettferdig vis. Dette er eit fag i seg sjølv som krev erfarne auge og ei trena
hand. Det er her Heidi Nyhammer "kjem inn i bilde". Om
du ynskjer å skifte ut ei standard ramme frå eit av bilda mine, kan eg
på det sterkaste anbefale at du tek turen innom Rammeriet i Førde. Her
vil du oppleve å bli møtt av ei dame som engasjerer seg i oppdraget du
kjem med til henne. Det er ikkje sikkert ho straks seier seg enig i det
rammevalet som du hadde tenkt deg, og eg anbefaler at du då er lydhøyr
for henna forslag. Av erfaring kan eg sei at ho som oftast har rett. I
tillegg til kvalitet, er ho og konkuransedyktig i utval og pris.
Ps. Ho har og eit og flott galleri. Mykje spennande både i bilde og form
som det er vel vert å stikke innom for å sjå!